Чингис Хаан олон улсын нисэх онгоцны буудал дээр өглөө 05:00 цагт цуглан бүртгэлээ хийлгэнэ. Онгоц 08:00 цагт Улаанбаатараас хөөрч Токио хотын Нарита нисэх онгоцны буудал дээр 13:30 цагт бууна. Хилээр нэвтэрч ачаагаа авсны дараа аяллын ахлагчын хамт  нутгийн хөтөчтэй уулзан автобусаар 3 цаг орчим яваад Шизүока мужийн Хамамацү хотын зочид буудалд 19:30 цагийн үед байрлан амарна. 

Өглөөний цай зочид буудалдаа уусны дараа өрөөгөө хүлээлгэж өгнө. Үүний дараа Японы амтат жүржийн талбайд очиж хүссэнээрээ жүрж жимс амталж иднэ. Дараа нь аяллын холын замд гарч эртний сүм хийдээрээ алдартай Нара хот руу явна. Нара хотод Японы Буддын тэргүүн гол сүм болох Тодайжи сүм үзнэ.  Энэ сүм 752 онд байгуулагдсан бөгөөд бурхадын ариун амьтан болох буга олноороо байдгаараа алдартай. Үүний дараа Осака хот руу явна. Осака хотод алдартай Дотонбори жуулчны гудамжтай танилцана. Орой 20:30 цагт зочид буудалдаа байрлан амарна.

Өглөөний цай зочид буудалдаа уугаад өрөөгөө хүлээлгэж өгнө. Үүний дараа Осака хотын эртний Осакажио цайз үзнэ. Дараа нь Япон улсын анхны нийслэл Киото хот руу аялна. Киото хотын аяллаар Фүшими Инари шинто шашны сүмийг үзнэ. Энд цагаан будааны бурхан Инарид зориулсан 

олон бунхан мөн хамгийн алдартай нь тори хаалганууд байдаг. Дараа нь Кёмизүдэра сүм болон Киото хотын эртний гудамжаар аялна. Орой Тоожи сүмийн шөнийн гэрэл үзнэ. /Энд өөрийн хүсэлтээр кимоно түрээслэж өмсөж болох ба захиалгыг өмнө нь өгнө. Зардлыг өөрсдөө төлнө. Ойролцоогоор өдрийн түрээс нь бүх өмсгөлтэйгээ 4000 – 10000 иен орчим байна./  Орой зочид буудалдаа 20:00 цагт байрлан амарна.

Өглөөний цай зочид буудалдаа ууна. Зочид буудлын өрөөгөө хүлээлгэж өгөөд Арашияма уулын үзэсгэлэнт агч модны Коёог харна. Үүний дараа Киото хотын алдартай Алтан сүм үзнэ. Дараа нь Киото хотын Нишики зах үзэж худалдаа хийнэ. Орой  Японы халуун рашаантай зочид буудалдаа байрлан амарна. Японы халуун рашаан нь алжаал ядаргаа тайлж арьс залуужуулдаг.

Өглөөний цай зочид буудалдаа уусны дараа өрөөгөө хүлээлгэж өгөөд дэлхийн соёлын өвд бүртгэгдсэн Кавагүчи нууранд очиж усан онгоцоор аялангаа Фүжи уулыг холоос харна. Мөн Ойши цэцгийн хүрээлэнд очиж бэлэг дурсгалын дэлгүүрээр зочилно. 2014 онд 

Юнескогийн Дэлхийн соёлын өвд 

бүртгэгдсэн  Фүжи уул нь Японы 108 галт уулын хамгийн өндөр нь бөгөөд далайн түвшнээс дээш 3776 метрт өргөгдсөн байна. Өдрийн хоолны дараа Готэнба аутлетийн дэлгүүрт очиж худалдаа хийнэ. Готэнба аутлетийн дэлгүүр нь Шизүока мужд байдаг ба 210 төрлийн дэлхийн болон Японы брэндийн дэлгүүр төвлөрсөн байдаг. Орой зочид буудалдаа амарна.

Өглөөний цай зочид буудалдаа ууна. Энэ өдөр чөлөөт хөтөлбөртэй. /Хөтөч болон унааны үйлчилгээ байхгүй ч хөтөчтэй зөвлөлдөөд хөтөлбөрт ороогүй газруудаар аялаарай. / 

- Team Lab art museum – Тийз эрт захиална 3800 иен 

- Ginza, Harajyuku district – Хөтөчтэйгээ явж болно  

- Shibuya Sky – Тийз эрт захиална. 2500 иен 

- Shinagawa aquarium – 1350 иен 

- Madame Tussauds – 2100 иен

Өглөөний цай зочид буудалдаа уугаад өрөөгөө хүлээлгэж өгнө. Энэ өдөр Токио хотын аялал хийх ба  дэлхийн хамгийн өндөр цамхаг Скай Три дээр гарч Токио хотыг 350 метрийн өндөр дээрээс харна. Үүний дараа Токио хотын нэр хүндтэй газар Марүноүчид очиж үзнэ. Энд Японы парламентийн ордон, эзэн хааны ордон,төв галт тэрэгний буудал, банкууд гэх мэт барилгууд байдаг Токио хотын бизнесийн төв юм. Дараа нь Токио хотын Шибүяа дүүрэгт очиж эзэндээ үнэнч Хачико нохойны хөшөө болон дэлхийд алдартай хамгийн олон хүн зөрдөг замын уулзвар гарцыг харж, нйислэл хотын соёл, нийгэмтэй танилцана. Мөн худалдан авалт хийх олон дэлгүүр байдаг. Орой Наритагийн зочид буудалдаа байрлан амарна.

Өглөөний цай зочид буудалдаа ууна. Түүний дараа өрөөгөө хүлээлгэн өгөөд Наритагийн ОУНОБ руу явна. Онгоц 14:30 т  хөөрч, Улаанбаатарт  19:00 т газардана. Үүгээр аялал маань өндөрлөх болно.