Чингис Хаан олон улсын нисэх онгоцны буудал дээр өглөө 05:30 цагт цуглан бүртгэлээ хийлгэнэ. МИАТ компанийн ОМ 0501 дугаартай онгоц 08:55 цагт Улаанбаатараас хөөрч Токио хотын Нарита нисэх онгоцны буудал дээр 14:30 цагт бууна. Хилээр нэвтэрч ачаагаа авсны дараа аяллын ахлагчийн хамт нутгийн хөтөчтэй уулзан аяллын компанийн автобусаар 1 цаг орчим яваад Японы халуун рашаанд орно. Халуун рашаан нь хүний арьсыг зөөлрүүлж, залуужуулдаг. Оройн хоолоо халуун рашааны газар идээд Фүжи уул байдаг Яманаши мужийн зочид буудалд байрлан амарна.

Хоол: Онгоц/Орой

Өглөөний цай зочид буудалдаа уусны дараа өрөөгөө хүлээлгэж өгөөд 08:30 цагт цуглан явна. Аяллын эхэнд Кавагүчи нуур болон Фүжи уулыг тольдон харна. Түүний дараа Оиши цэцэрлэгт хүрээлэнд байдаг бэлэг дурсгалын дэлгүүрт худалдаа хийнэ. 2014 онд Юнескогийн Дэлхийн соёлын өвд бүртгэгдсэн Фүжи уул нь Японы 108 галт уулын хамгийн өндөр нь бөгөөд далайн түвшнээс дээш 3776 метрт өргөгдсөн байна. Мөн Фүжи уулын нууран дээр Япон завиар зугаална. Өдрийн хоолны дараа Ширайто хүрхрээнд очиж үзнэ. Дараа нь Готэнба аутлетийн дэлгүүрт очиж худалдаа хийнэ. Готэнба аутлетийн дэлгүүр нь Шизүока мужид байдаг ба 210 төрлийн дэлхийн болон Японы брэндийн дэлгүүр төвлөрсөн байдаг. Орой 20:00 цагт зочид буудалд ирж байрлан амарна.

Хоол: Өглөө, Өдөр

Өглөөний цай зочид буудалдаа уусны дараа чөлөөт цаг. Тогтсон цагт буудлаас явж Лэйди Гага тоглолтыг 15:00-23:00 цагийн хооронд үзнэ. Орой нь зочид буудалдаа ирж амарна.

Хоол: Өглөө

Өглөөний цай зочид буудалдаа уусны дараа өрөөгөө хүлээлгэж өгөөд 08:30 цагт цуглана. Энэ өдөр Токио хотоор аялна. Аяллын эхэнд Буддын Сэнсожи сүм, Шинто шашны Асакуса сүм болон бэлэг дурсгал, худалдааны гудамжтай танилцана. Үүний дараа дэлхийн хамгийн өндөр цамхаг Скай Три дээр гарч Токио хотыг 350 метрийн өндөр дээрээс харна. Дараа нь Шибүяа дүүрэгт очиж үзнэ. Энд эзэндээ үнэнч Хачико нохойны хөшөө болон дэлхийд алдартай хамгийн олон хүн зөрдөг замын уулзвар гарцыг харж, нийслэл хотын соёл, нийгэмтэй танилцана. Мөн худалдан авалт хийх боломжтой олон дэлгүүр байдаг. Орой шууд Наритагийн зочид буудал руу явж тэндээ хононо.

Хоол: Өглөө, Өдөр

Өглөөний цай зочид буудалдаа ууна. Үүний дараа өрөөгөө хүлээлгэн өгөөд зочид буудлын шатл автобусаар 15 минут орчим яваад Наритагийн ОУНОБ дээр ирнэ. Онгоц 15:30 д хөөрч, Улаанбаатарт 20:35 цагт газардана. Үүгээр аялал маань өндөрлөх болно.

Хоол: Өглөө